Շիաների «Հզբոլահ» շարժումը Սիրիայում իշխող ռեժիմի աջակցության համար ուղարկել է իր մարտիկներին: Այս մասին հաղորդագրությունները փոխանցել է ամերիկյան Washington Post թերթը` հղում կատարելով ԱՄՆ-ի և Լիբանանի պաշտոնական անձանց:
Թերթի տվյալներով` շարժման մասնակցությունը Սիրիայի ներքին հակամարտությանը խոսում է այն մասին, որ նրա մասնակիցները ճգնաժամի մեջ են ներգրավում հարևան երկրներին, որի հետևանքը կարող է դառնալ ամբողջ տարածաշրջանում իրավիճակի ապակայունացումը:
Դրա հետ մեկտեղ հենց «Հզբոլահը» հերքել է ԱՄՆ-ի կողմից իր հասցեին հնչեցված մեղադրանքները սիրիական իշխանություններին օգնելու վերաբերյալ: Հնարավոր է, որ նրանք վախենում են բացահայտ աջակցության դեպքում լիբանանյան շիաների և տեղի սյունիների հարբերությունների վատթարացումից, քանի որ նրանք աջակցում են Սիրիայի իրենց հավատակիցներին:
Այս ամենի հետ մեկտեղ սիրիական ընդդիմությունը այսօր հայտարարել է, որ իրենց զորքերը հակահարձակման են անցել Հալեպում: Եղած տեղեկությունների համաձայն` բախումներին մասնակցում է մի քանի հազար մարդ:
«Արդեն այս երեկո Հալեպը կա՛մ մերն է լինելու, կա՛մ էլ մենք պարտություն ենք կրելու»,- խոստացել է զինված ընդդիմության հրամանատարներից մեկը` Աբու Ֆուրատը:
