Բրիտանացի դերասանուհի Էմմա Ուոթսոնը, պարզվում է, «ամենավտանգավոր» հայտնի անձն է ինտերնետ-օգտատերերի համար: Նրա անունը խարդախներն ամենաշատն են օգտագործում մարդկանց վտանգավոր կայքեր ներգրավելու համար: Այսպիսի տվյալներ է հրապարակել սեպտեմբերի 9-ին McAfee հակավիրուսային ընկերությունը:
Վիրուսներով լի կայք ընկնելու հավանականությունը դերասանուհու մասին տեղեկություն փնտրելուց հետո կազմում է 12 տոկոս, նկատում են ընկերության կայքում:
Բացի Ուոթսոնից՝ ինտերնետ-խարդախների «սիրելիների» թվում են նաև դերասանուհիներ Ջեսիկա Բիլը, Եվա Մենդեսը, երգչուհի Շակիրան ու այլ հայտնիներ:
McAfee-ն նկատում է, որ այս տարի «վտանգավոր» անձանց թոփ-տասնյակը կազմում են կանայք: Միակ տղամարդը, որ տեղ է գտել քսանյակում, հաղորդավար Ջիմ Քիմելն է, հայտնում է Associated Press-ը:
