Ռուսական և ամերիկյան ռազմական նավերը միջազգային «Ռիմպակ» զորավարժությունների շրջանում (անցկացվում է Հավայան կղզիների հարևանությամբ) հաջողությամբ հակահարված են տվել «հակառակորդի»` Կանադայի ռազմաօդային ուժերի օդային պայմանական հարձակմանը: RIA Novosti-ի փոխանցմամբ` այս մասին այսօր հայտնել է Ռուսաստանի խաղաղօվկիանոսյան նավատորմի պաշտոնական ներկայացուցիչ Ռոման Մարտովը:
Ավելի վաղ հաղորդվել էր, որ «Ռիմպակի» մանյովրներին մասնակցում են 45 նավ` աշխարհի 22 երկրից, ինչպես նաև 100 ինքնաթիռ ու ավելի քան 20 հազար ռազմական նավաստի:
Ռուսական ռազմածովային նավատորմը զորավարժություններին ներկայացված է Խաղաղօվկիանոսյան նավատորմի նավերի շարքով` «Ադմիրալ Պանտելեև», «Բորիս Գոդունով»:
Նավատորմը Փերլ Հարաբորը լքել է հուլիսի 11-ին ու դուրս է եկել Խաղաղ օվկիանոս, որտեղ սկսվել է 3-շաբաթյա զորավարժությունների ակտիվ փուլը:
