Ուրբաթ օրը սեփական բնակարանում հայտնաբերվել է ամերիկացի դերասան և ռեժիսոր Սիլվեստեր Ստալոնեի որդու մարմինը։ Այս մասին հաղորդում է Associated Press գործակալությունը։
Աղբյուրները չեն նշում մահվան իրական պատճառը։ TMZ-ի տեղեկություններով՝ մահը, հնարավոր է, վրա է հասել թմրանյութերի չարաշահման հետևանքով։ Տեղեկացնենք, որ 36-ամյա Սեյջ Ստալոնեն նույնպես դերասան էր և ռեժիսոր` ինչպես իր անվանի հայրը։ Առաջին ֆիլմը, որում նա նկարահանվել է, «Ռոկի 5»-ն էր, երբ նա դեռ երեխա էր։
Նա հեղինակ է մի քանի ֆիլմերի, որոնք այդպես էլ հայտնի չդարձան լայն հանրությանը։ «Սիլվեստրը վշտացած է որդու անժամանակ մահվան կապակցությամբ», – ասվում է դերասանի ներկայացուցչի պաշտոնական հայտարարության մեջ։
