Իսրայելում Գերմանիայի դեսպան Անդրեաս Միխաելիսը խոստացել է, որ Գերմանիան կմտցնի հատուկ օրենք, որը կթույլատրի տղա երեխաների կրոնական թլպատումը: Այս մասին նա հայտարարել է հուլիսի 9-ին՝ ելույթ ունենալով Իսրայելի խոհրդարանի ներգաղթի, ինտեգրման և սփյուռքի կոմիտեում:
Ինչպես հաղորդում է Jerusalem Post-ը, դիվանագետի խոսքերով՝ այդ օրենքը չեղյալ կհամարի Քյոլնի դատարանի վճիռը, որն ավելի վաղ կրոնական թլպատումը համարել էր քրեական հանցագործություն՝ հավասար մարմնական վնասներ հասցելուն: Միխաելիսը խոստովանել է, որ նման արգելքը Գերմանիայում հատկապես ցավոտ է ընկալվում Հոլոքոստի պատճառով՝ ընդգծելով, որ Գերմանիայի հրեական համայնքը շարունակում է աճել:
Եվրոպական ռաբիների կոնֆերանսը առաջիկա օրերին Բեռլինում արտահերթ նիստ է անցկացնում, որի թեման կլինի հենց Քյոլնի դատարանի որոշումը: Կոնֆերանսի նախագահ Պինխաս Գոլդշմիդտը այդ որոշումն անվանել «Հոլոքոստի ժամանակներից հետո Եվրոպայում հրեաների կյանքի ամենալուրջ խոչընդոտը»:
Մայիսի վերջին Քյոլնի դատարանը քննում էր մուսուլման բժշկի գործը, որը թլպատման անհաջող վիրահատություն էր արել: Դրանից հետո դատարանը անօրինական համարեց թլպատումը՝ դա համարելով երեխայի իրավունքների խախտում:
