Glendale News Press-ն անդրադարձել է անցած ամիս ՀՀ մայրաքաղաք Երևանի «Հարսնաքար» ռեստորանային համալիրում ծեծի ենթարկվելու հետևանքով զոհված Վահե Ավետյանի մահվան առնչությամբ աշխարհի տարբեր երկրների արձագանքին.
Հունիսի 17-ին զինվորական բժիշկն իր գործընկերների հետ մտավ ռեստորանային համալիր, սակայն այնտեղից ողջ դուրս չեկավ: Դրես կոդի թեմայով գործընկերների և ռեստորանի անվտանգության աշխատակիցների միջև սկսված ծեծկռտուքի պատճառով նրանք բոլորն էլ ծանր վնասվածքներով հայտնվեցին հիվանդանոցում: Հունիսի 29-ին 33-ամյա Վահե Ավեյանը մահացավ: Նրա մահը մեծ աղմուկ ու դժգոհության ալիք բարձրացրեց ողջ երկրում:
Անմեղ բժշկի մահը հարուցեց քաղաքացիական հասարակության զայրույթն ու ստիպեց պահանջելու օլիգարխիայի վերացում, որը երկրում վիթխարի չափերի է հասնում:
Անվտանգության աշխատակիցները, ռեստորանի հետ միասին, պատկանում են ԱԺ պատգամավոր, Հայաստանի ֆուտբոլի ֆեդերացիայի նախագահ Ռուբեն Հայրապետյանին: Հայրապետյանը, որը մի քանի խոշոր բիզնեսներ ունի Հայաստանում, հայտնի է որպես երկրի ուժն ու հարստությունը ղեկավարող փոքր խմբի մաս:
Հայրապետյանը կեղտոտ հեղինակություն ունի և հայտնի է իր դեմ արտահայտվողներին ծեծելու և պատժելու հրապարակային սպառնալիքներով` ցուցադրելով անտարբերություն օրենքի գերակայության նկատմամբ:
Վերջին մի քանի օրերին նա հրաժարվեց մանդատից` հայտարարելով, թե բարոյապես պարտավոր է դա անել, հրաժարականի նամակում ներողություն խնդրեց։
Ակտիվիստների համար սա բավական չէ: Նրանք օնլայն խնդրագրեր են կազմում` կոչ անելով Հայաստանում օտարերկրյա դեսպանատներին հրաժարվել Հայրապետյանին վիզա տրամադրել` կասեցնելու համար նրա փախուստը երկրից: Ակտիվիստները ցույցեր են անցկացնում «Ես Վահե Ավետյանն եմ» կարգախոսով:
Ավետյանի մահը արթնացրեց Հայաստանում օրենքի գերակայությունը վերադարձնելու և մինչ օրս օրենքն անտեսողներին պատժելու ցանկությունը:
Վահե Ավետյանի մահը չէր կարող անտարբեր թողնել սփյուռքահայերին: Գլենդելում Հայաստանի հյուպատոսության դիմաց անցած շաբաթ լոսանջելեսահայերը բողոքի ցույց անցկացրին` մեղավորներին պատժելու և ՀՀ նախագահ Սերժ Սարգսյանի հրաժարականի պահանջով:
Դեպի ծով ելք չունեցող հարավկովկասյան երկիրը դիտարկվում է որպես «ամառային խաղահրապարակ», սակայն ստացվում է, որ զբոսաշրջիկները գալիս են արձակուրդների` տեսնելու ժողովրդի, որը դեռևս պայքարում է Խորհրդային միության անկումից հետո սոցիալ-տնտեսական հետևանքների և կոռուպցիայի դեմ, որում Հայրապետյանը մեղադրվում է:
Հոդվածագիրը նշում է` լինի Գլեդելում, թե Հայաստանում, համագործակցությունը հաճախ դրական փոփոխությունների է հանգեցնում, և մենք բոլորս կարող ենք օգտվել այդ հնարավորությունից:
