Այս տարվա առաջին 5 ամիսներին բոլոր տեսակի տրանսպորտներով Հայաստան է ժամանել 636 հզ. 475 մարդ, մեկնել՝ 714 հզ. 689 մարդ:
2012 թ. հունվար-մայիսին միջազգային ուղևորահոսքերի բացասական մնացորդը (հանրապետությունից մեկնածների թվի գերազանցումը հանրապետություն ժամանածների թվին) նախորդ տարվա նույն ժամանակահատվածի համեմատ ավելացել է 8.7 հազարով կամ 12.9 %-ով և կազմել-78.2 հազար մարդ:
Մայիսին միջազգային ուղևորահոսքերի բացասական մնացորդը կազմել է 20.9 հազար մարդ՝ նախորդ տարվա մայիսի 21.7 հազարի դիմաց:
2012 թ. հունվար-մայիս ամիսներին ուղևորահոսքերի ընդհանուր ծավալը նախորդ տարվա նույն ժամանակահատվածի համեմատ ավելացել է 94.6 հազար մարդով կամ 7.5 %-ով և կազմել՝ 1351.2 հազար մարդ:
Օդային տրանսպորտով սահմանը հատած ուղևորների տեսակարար կշիռն ուղևորափոխադրումների ընդհանուր ծավալում կազմել է 45.4 %:
Նշենք, որ այս տվյալը հրապարակել է ՀՀ տարածքային կառավարման նախարարության միգրացիոն ծառայությունը: Մեկնող-ժամանողների տվյալների հրապարակումից խուսափում է Ազգային վիճակագրական ծառայությունը՝ մինչ օրս ԱՎԾ-ն չի հրապարակել հունվար-ապրիլի ժողովրդագրության վերաբերյալ տվյալները, այդ թվում՝ մեկնող-ժամանողներինը:
