Ֆիլիադելֆիայից համասեռամոլ ակտիվիստները Սպիտակ տուն կատարած այցելության ժամանակ նկարվել են ԱՄՆ նախագահ Ռոնալդ Ռեյգանի նկարի ֆոնին` միջնամատը պարզած: Այս մասին գրել է The Philly Post-ը:
Նկարում պատկերված են Մեթ Հարթը և Զոի Շտրաուսը, ովքեր ցուցադրել են անպարկեշտ ժեստ: Նրանց մեջտեղում կանգնած է Ֆիլադելֆիայի համասեռամոլների թերթի հրատարակիչ Մարկ Սեգալը, ով պատկերված է միջնամատը բարձրացված:
Միջոցառումը, որին ներկա են եղել Հարթը, Շտրաուսը և Սեգալը, տեղի է ունեցել հունիսի 15-ին: Սակայն նրանց արարքը նոր է հայտնվել ԶԼՄ-ների ուշադրության կենտրոնում: Հարթն ավելի ուշ մեկնաբանել է, որ վատ է վերաբերվում Ռեյգանին, քանի որ ՍՊԻԴ-ի համաճարակի ժամանակ նա է եղել Սպիտակ տանը և ուրախ է եղել տեսնել, թե ինչպես են մահանում համասեռամոլները:
Սպիտակ տունը տեղի ունեցածի կապակցությամբ հունիսի 22-ին հանդես է եկել պաշտոնական հայտարարությամբ: Հաղորդագրության մեջ ասվում է, որ Սպիտակ տան աշխատակազմն ակնկալում է պատշաճ և հարգալից վերաբերմունք, սակայն չի կարող վերահսկել, թե հստակ ինչով են զբաղված հյուրերը:
Սպիտակ տան ներկայացուցիչը հայտարարել է, որ նման պահվածքն անթույլատրելի է ցանկացած վայրում, մասնավորապես՝ նախագահի նստավայրում:
