Ամերիկացի մոլորակաբաններն ուսումնասիրել են Լուսնի հարավային Շակլթոն խառնարանի հատակը՝ LRO ավտոմատացված կայանի գործիքների օգնությամբ ու չեն հայտնաբերել ջրի առկայություն, որի գոյության մասին էին վկայում տիեզերական զոնդերն ու աստղադիտակները: Այս մասին նշված է Nature ամսագրում հրապարակված հոդվածում:
Ենթադրվում է, որ Լուսնի վրա պայմաններ են ստեղծվել, որոնք խոչընդոտել են ջրի մեծ քանակության ամբարմանն ու պահպանմանը:
Մթնոլորտի բացակայությունն ու թույլ ձգողականությունն անհնարին են դարձնում Н2О-ի մոլեկուլի գոյությունը ջրի կամ հեղուկի տեսքով, իսկ սառույցը բաց տարածության մեջ աստիճանաբար կհալվի արևային քամու ազդեցության ներքո: Այդուամենայնիվ, ջուր Լուսնի վրա գոյություն ունի` 2009 թ. հնդկական Չքանդրայան զոնդը ջուր հայտնաբերեց Երկրի հարավային կիսագնդի արբանյակում, իսկ 2012 թ. LRO զոնդը հյուսիսային բևեռում խառնարանի մեջ հայտնաբերեց եղյամ։
Մասաչուսեթսի տեխնոլոգիական համալսարանի աստղաֆիզիկոսների խումբը Մարիա Զուբերի գլխավորությամբ ստուգեց` գոյություն ունի՞ ջուր Լուսնի հարավային բևեռում:
Մոլորակաբանները նշում են, որ ջրի հայտնաբերման փորձերն անհաջողությամբ են ավարտվել ստացված հակասական տվյալների պատճառով, որոնք ստացվել են տարբեր սարքերի միջոցով:
