Ռուսաստանը Սիրիային ռազմական ինքնաթիռներ չի մատակարարում: Այս մասին հաղորդում է ITAR-TASS-ը՝ վկայակոչելով Մոսկվայում Սիրիայի դեսպան Ռիյադ Հադդադին: Նրա խոսքերով՝ Մոսկվան Դամասկոսին վաճառում է ՀՀՊ տարրեր, որոնք ոչ մի պատժամիջոցների տակ չեն ընկնում, և նշանակում է՝ դրանց մատակարարումները չեն հակասում ՄԱԿ-ի Կանոնադրությանը:
«Դա հակաօդային պաշտպանության զենք է. խոսքը պաշտպանողական զենքի մասին է»,- ընդգծել է դեսպանը:
Այսպիով Հադդադը հաստատել է Ռուսաստանի արտգործնախարար Սերգեյ Լավրովի խոսքերը, որոնց համաձայն՝ Ռուսաստանի կողմից Սիրային մատակարարվող զենքը չի կարող օգտագործվել Սիրիայի բանակի կողմից ապստամբությունը ճնշելու համար: Ավելի վաղ ԱՄՆ պետքարտուղար Հիլարի Քլինթոնը Մոսկվային մեղադրել էր Սիրիային ռազմական ուղղաթիռներ վաճառելու մեջ:
Սիրիայում ընդդիմության ուժերի և Բաշար Ալ-Ասադին հավատարիմ զորքերի միջև ռազմական գործողությունները շարունակվում են 2011 թ. մարտից: ՄԱԿ-ի տվյալներով՝ այդ ընթացքում զոհվել է ավելի քան 10 հազար մարդ:
