Մեծ Բրիտանիայի արտաքին գործերի և երկրների համագործակցության նախարարությունը հայտարարում է մրցույթ` «Չիվնինգ» կրթաթոշակի համար (Chevening scholarships): Մրցույթին կարող են մասնակցել նաև Հայաստանի քաղաքացիները` դիմելով Հայաստանում բրիտանական դեսպանատուն: «Չիվնինգ» կրթաթոշակը հովանավորում է Բրիտանիայում 12 ամիս ուսանելու, կացարանի և թռիչքի ծախսերը:
Մրցույթի մասնակիցները պետք է լինեն 25-35 տարեկան, արդեն ունենան բարձրագույն կրթության դիպլոմ, լինեն Հայաստանի քաղաքացիներ, ունենան նվազագույնը երկու տարվա աշխատանքային փորձ իրենց ընտրած ոլորտում:
Դիմումներն ընդունվում են մինչև 2011թվականի փետրվարի 28-ը:
2011 թվականի մարտի 4-ին պարզ կլինեն առաջին փուլն անցած դիմորդները: Նրանք, ովքեր հաջողությամբ հաղթահարել են հարցազրույցի փուլը, կհանձնեն անգլերեն լեզվի քննություն (ակադեմիական IELTS, պահանջվում է 6.5 և ավելի միավոր) 2011թվականի մարտի 19-ին: Վերջնական արդյունքները կհայտարարվեն 2011թվականի մարտի վերջին:
«Չիվնինգ» ծրագիրը գործում է արդեն 26 տարի և կրթաթոշակներ է տրամադրել ավելի քան 30.000 մասնակցի` հետբուհական կրթություն ստանալու համար:
