Լիբիական իշխանությունները, որոնք կալանավորել են Միջազգային քրեական դատարանի աշխատակիցներին, խախտում են ՄԱԿ ԱԽ-ի որոշումը, ինչը պահանջում է ԱԽ-ի համապատասխան արձագանքը: Այս մասին հայտարարել է ՌԴ ԱԳ նախարար Սերգեյ Լավրովը:
ՄՔԴ-ի չորս աշխատակիցներ, այդ թվում՝ Հոլանդիայում ՌԴ նախկին դեսպան Ալեքսանդր Խոդակովը, ձերբակալվել են Լիբիայում՝ հունիսի 7-ին: Լիբիական գլխավոր դատախազությունում աղբյուրը հայտնում է, որ նրանց 45-օրյա կալանքի են ենթարկել:
Միաժամանակ Աֆրիկյան երկրների հետ համագործակցության հարցերով ՌԴ նախագահի հատուկ ներկայացուցիչ Միխայիլ Մարգելովը չի բացառում, որ Լիբիայում ՄՔԴ-ի աշխատակիցների գործի լուծումը կպահանջի ՄԱԿ-ի միջնորդությունը:
«Հնարավոր է, որ ՄԱԿ-ը ստիպված լինի խառնվել ստեղծված իրավիճակին, չնայած ՄՔԴ-ը նրանից անկախ կազմակերպություն է»,- ասել է Մարգելովը:
Նրա խոսքերով` իրավիճակը սրվում է այնքանով, որ հայտնի չէ, թե Զինտանայի հրամանատարը ենթարկվո՞ւմ է արդյոք Տրիպոլիի կենտրոնական իշխանություններին:
«Բացի այդ, հրամանատարի այն արտահայտությունը, որ ՄՔԴ-ի աշխատակիցներին ազատ կարձակեն մանրակրկիտ հարցաքննությունից հետո, ամեն ինչ կարող է նշանակել ժամանակակից Լիբիայում»,- հավելել է ռուս պատգամավորը:
