Ուկրաինայի ուժային կառույցների ներկայացուցիչները ստիպված են եղել հերքել այն լուրերը, թե «Հետման Սագայդաչնի» ֆրեգատի վրա խռովություն է բարձրացել: Զինված ուժերի պատասխանատուներն այս հայտարարություններն արել այն բանից հետո, երբ LiveJournal-ում բլոգերներից մեկը հայտնել է, թե «Հետման Սագայդաչնի» ֆրեգատի վրա խռովություն է բարձրացել, որից հետո նավի անձնակազմը նավի վրա պարզել է ՆԱՏՕ-ի դրոշը եւ ուղղություն վերցրել դեպի Բաթում: Բլոգերը հայտնել է, որ անձնակազմը դժգոհ է եղել ցածր աշխատավարձից, Ուկրաինայում ռուսերենի ամրապնդումից, ԶԼՄ-ներում գրաքննությունից: Բլոգերը, որպես իր աղբյուր, նշել էր «ՖՍԲ-ի հատուկ ալիքը»:
