Այսօր ՀՀ էկոնոմիկայի նախարարությունը, ՀՀ ազգային վիճակագրական ծառայությունը, Ձեռնարկությունների ինկուբատոր հիմնադրամը, Ինֆորմացիոն տեխնոլոգիաների ձեռնարկությունների միությունը, Էլ. բովանդակության ասոցիացիան և Եռաչափ մոդելավորման միությունը կնքեցին hուշագիր` տեղեկատվական տեխնոլոգիաների ոլորտի ճյուղային վիճակագրության (վարչական ռեգիստրի) վարման գործընթացի կայացմանը նպաստող համագործակցության վերաբերյալ: Կարևորելով երկրում վարչական ռեգիստրների ներդրումն ու կատարելագործումը` կողմերը պատրաստակամություն են հայտնում մեթոդաբանական օժանդակություն ցուցաբերելու իրականացվող աշխատանքներին, ինչպես նաև օգտագործելու համակարգի փորձարկման արդյունքները` պետական վիճակագրական հաշվետվություների էլեկտրոնային (առցանց) հավաքագրմանն անցնելու նպատակով: