Վրաստանի խորհրդարանի հանձնաժողովները ընթացիկ շաբաթվա ընթացքում կքննարկեն «Ազատության խարտիայի» մասին փաթեթը, որը «Հայրենասիրական ակտի» եւ «լյուստրացիայի» հետ մեկտեղ` նախատեսում է խորհրդային եւ ֆաշիստական խորհրդանիշների արգելք : Օրինագծի համաձայն` հատուկ հանձնաժողովը տեղեկություն է հավաքում կոմունիստական կամ ֆաշիստական խորհրդանիշների վերաբերյալ` կառույցների, արձանների, փողոցների եւ այլ տարբերակների մասին: Հատուկ հանձնաժողովը ձեւավորում է նախագահը` խորհրդարանական ֆրակցիաների մասնակցությամբ, այն աշխատում է նաեւ լյուստրացիայի թեմայի շուրջ: Ի դեպ, օրինագծի նախաձեռնությունը խորհրդարանական փոքրամասնությանն է` «Ուժեղ Վրաստան»-ի եւ Գիա Թորթլաձեի` «Ժողովրդավարական Վրաստանի»: Ներկայացված օրինագծի համաձայն` նախատեսվում են նաեւ հակաահաբեկչական միջոցներ, որոնք ներառում են ռազմավարական կառույցների պահպանումը եւ տեսադիտարկում, հատուկ մոնիտորինգ` սահմաններին, Վրաստան մտնող բեռների եւ 10 հազար լարիից բարձր գումարների թափանցման մոնիտորինգ: Լյուստրացիայի մասով փաթեթը նախատեսում է ԽՍՀՄ նախկին հատուկ ծառայությունների աշխատակիցների համար պաշտոնեական սահմանափակումների սահմանում:
Հիշեցնենք, որ լյուստրացիա են իրականացրել Գերմանիան, Չեխիան, Լեհաստանը եւ Բալթյան երկրները: