Թեհրանի գլխավոր դատախազ Աբբաս Ջաֆֆարի Դոլաթաբին հայտարարել է, որ վերջին մի քանի օրերին ձերբակալված լրտեսների մեջ եղել են Իրանի երկու քաղաքացիներ, որոնք գործել են հօգուտ Իսրայելի: Սակայն նա անուններ չի նշել: Նա նաեւ ավելացրել է, որ նրանց գործերը շուտով կփոխանցվեն դատարան: Ըստ դատախազի` ձերբակալվածներից մեկը 28-ամյա մի երիտասարդ է, որն աշխատել է տիեզերական արդյունաբերությունում եւ հավաքել է գաղտնի տեղեկություններ: Մյուսը կապված է եղել ընդդիմադիր ուժերի հետ եւ ներքին իրավիճակի հետ կապված տեղեկություններ է փոխանցել: