Նույնիսկ մեկ անքուն գիշերը կարող է ազդել մարդու ուղեղի աշխատանքի վրա:
Գիտնականները փորձ են անցկացրել, որի ընթացքում 10 կամավոր- ուսանողներ մի գիշեր չեն քնել: Առավոտյան նրանց ցույց են տվել 30 բառ ու խնդրել մտապահել դրանք:
Մի քանի օր անց կամավորներին հարցրել են այդ բառերը: Ինչպես ենթադրվում էր, փորձի 10 մասնակիցները շատ ավելի քիչ բառ են հիշել, քան այն 10 մարդիկ, ովքեր քնել էին սովորականի պես:
Փորձը նաև ցույց է տվել, որ գոյություն ունի կապ բառերի իմաստի և դրանց մտապահման միջև: Բանն այն է, որ դրական և բացասական իմաստ ունեցող բառերը ավելի լավ են հիշվում:
Պարզվել է նաև, որ մի գիշեր անքուն մնացած մարդիկ շատ ավելի լավ են հիշում բացասական իմաստով բառերը:
