Չեչնիայի ղեկավար Ռամզան Քադիրովը խորհուրդ է տվել հայտնի հեռուստահաղորդավար Թինա Կանդելակիին փոխել հագնվելու ոճը, որպեսզի տղամարդկանց գործից չշեղի: Իր հաղորդումներից մեկի ժամանակ, որին մասնակցել է Չեչնիայի ղեկավարը, Քանդելակին ասել է, որ երբ ինքը Չեչենական Հանրապետություն էր գալիս, փորձել է հետևել հագնվելու տեղի ավանդույթներին, ինչին Քադիրովը պատասխանել է. «Ոչ, դուք չեք հետևել դրան: Դուք այնպես եք հագնված, որ ես փորձում եմ ձեզ չնայել»: Քադիրովն ասել է, որ եթե կանայք աշխատավայրում կիսամերկ լինեն, տղամարդիկ չեն կարողանա աշխատել: «Ես օր ու գիշեր նրանց կնայեմ ու կմտածեմ, թե ինչպես նրանց՝ «սալամ ալեյքում անեմ», իսկ աշխատանքն ինձ համար տասներորդ տեղում կլինի»: Այս մասին հաղորդել է «Էխո Մոսկվի» ռադիոկայանը:
