Օրերս TRACECA նախագծի շտաբ-բնակարանում տեղի է ունեցել խորհրդակցություն, որին ներկա են եղել բարձրաստիճան պաշտոնյաներ, այդ թվում Եվրամիության տրանսպորտի հանձնակատար Սիիմ Կալլասը, տեղեկացնում է 1news.az-ը: Քննարկումների հիմնական հարցերը եղել են տրանսպորտային ենթակառուցվածքների զարգացումն ու բեռնափոխադրումների գները: Նախագծի գլխավոր քարտուղար Էդուարդ Բիրյուկովը գոհունակությամբ նշել է, որ TRACECA-ի երկայնքով գտնվող նավահանգիստների իշխանությունների և երկաթուղային ընկերությունների հետ կնքվել են համապատասխան պայմանագրեր, որոնք հնարավորություն են տալիս նվազեցնել տեղափոխումների գները: Հայտարարվել է նախագծին նաև Իրանի միանալու մասին, որը սակայն ՄԱԿ-ի պատժամիջոցների գործողության պատճառով չի կարող ամբողջությամբ ներգրավված լինել TRACECA-ի գործունեության ողջ սպեկտրում: