Սիրիան կորցրել է 3 միլիարդ դոլար այն պատճառով, որ Եվրամիության անդամ երկրները հրաժարվել են գնել սիրիական նավթը: Այս մասին այսօր Դամասկոսում հաղորդել է նավթի և բնական ռեսուրսների նախարար Սուֆիան Ալաուն` գնահատելով այն վնասները, որ կրել է երկիրը նավթագազային ոլորտում՝ Արևմուտքի կողմից 2011 թ. հաստատված «անարդար պատժամիջոցների» պատճառով:
Նախարարը նշել է, որ Սիրիայի տնտեսական բոյկոտը հանգեցրել է նրան, որ այնպիսի եվրոպական ընկերություններ, ինչպիսիք են Royal Dutch Shell-ը և Total-ը դադարեցրել են նավթային ոլորտի համատեղ նախագծերը: Նրանց օրինակին են հետևել նաև կանադական և խորվաթական ընկերությունները: Սիրիան օրական 380 հազար բարել նավթահումք է արտադրում, որից եվրոպացիները գնել են 130 հազար բարել:
Նախարարի խոսքերով` վնասներ են կրել նաև արդյունաբերական օբյեկտները:
