Բուլղարական «Ատակա» կուսակցությունը երկրի կառավարությանը կաջակցի անվստահության քվե հայտնելուն Բուլղարիայի սոցիալիստական կուսակցության` «Կոալիցիա հանուն Բուլղարիայի» հետ խորհրդատվությունից հետո և կստորագրի երկրում միջուկային հզորության մեծացման առնչությամբ հանրաքվե անցկացնելու հահամաձայնագիր: Ինչպես հաղորդել է ITAR-TASS գործակալությունը, այս մասին այսօր հայտնել է «Ատակայի» առաջնորդ Վոլեն Սիդերովը, որը դիմել է նաև երկրի նախագահ Ռոսեն Պլևնելիևին` խնդրելով հանրաքվե անցկացնել «Բելենե» ԱԷԿ-ի հարցով, որի ծրագրի իրագործումից անցած շաբաթ հրաժարվել էր բուլղարական կառավարությունը:
Չորեքշաբթի Բուլղարիայի սոցիալիստական կուսակցությունը խորհրդակցել էր երկրի խորհրդարանի ընդդիմության ներկայացուցիչների հետ` անվստահության քվե հայտնելու երկրի կառավարությանը` կապված ատոմակայանի կառուցումից հրաժարվելու հետ:
«Ինքնին, «Բելենե» ԱԷԿ-ի հարցով որոշումը բավականաչափ մեծ առիթ է նրա համար, որ կառավարությանը անվստահություն հայտնենք: Այդ որոշումը ծանր հետևանքներ կարող է ունենալ Բուլղարիայի էներգետիկ անկախության ու նրա միջուկային էներգետիկայի վրա»,- ասել է կուսակցության ներկայացուցիչ Սերգեյ Ստանիշևը:
Հիշեցնենք, որ այս շաբաթ բուլղարական կառավարությունը որոշում կայացրեց ռուսական մասնակցությամբ «Բելենե» ԱԷԿ-ի ծրագրից դուրս գալու վերաբերյալ, որը ենթադրում էր երկրում ավելի քան 2 հազար մեգավատտ հզորությամբ երկու բլոկանոց ատոմակայանի կառուցում:
