Այս տարվա հունվար-փետրվար ամիսների ընթացքում ԱՊՊԱ պայմանագրերով հաշվեգրվել է 7 մլրդ 267 մլն դրամ, բավարարվել և վճարվել է 1 մլրդ 278.3 մլն դրամ, բավարարվել, սակայն դեռևս չի վճարվել 109.7 մլն դրամ: Հայաստանի Ավտոապահովագրողների բյուրոյի այսօր հրապարակած վիճակագրական հաշվետվության համաձայն՝ պայմանագրերի ընդհատման արդյունքում վերադարձվել կամ ենթակա է վերադարձման 49.2 մլն դրամ: Այսինքն՝ ԱՊՊԱ զուտ եկամուտը ներկայում մոտ 5 մլրդ 830 մլն դրամ է:
2012 թ. փետրվարի արդյունքներով, ԱՊՊԱ պայմանագիր առկա է գործող 311,184 տրանսպորտային միջոցի հանդեպ, հատուցում ստանալու համար ներկայացվել է 6,778 դիմում, որից մերժվել է 112-ը:
Ոլորտում գերիշխող ապահովագրողը շարունակում է մնալ «ՌՈՍԳՈՍՍՏՐԱԽ-ԱՐՄԵՆԻԱ» ընկերությունը՝ 34%, նրան հետևում են «ԻՆԳՈ ԱՐՄԵՆԻԱ»-ն՝ 18%, և «ՌԵՍՈ»-ն՝ 15%:
