ԱՄՆ Հաշվիչ պալատը մինչև 2035թ. F-35 Lightning II կործանիչի մշակման ֆինանսավորման տարեկան ծախսը գնահատել է 13 մլրդ դոլար: Այս մասին ասվում է գերատեսչության մամլո հաղորդագրության մեջ:
2007թ. սկսած՝ F-35-ի մշակման ծրագրի վրա ծախսն աճել է 119 մլրդ դոլարով: Գերատեսչության տվյալներով՝ դա մասնակիորեն կապված է այն հանգամանքի հետ, որ ԱՄՆ-ը մինչև 2017թ. կրճատել է նոր կործանիչներ գնելու ծրագիրը՝ 1591 միավորից հասցնելով 365-ի: Բացի այդ, F-35-ի մշակումը զգալիորեն ձգձգվում է: Այսպես, 2011թ. F-35-ի մշակողներին հաջողվել է առաջադրված 11 ծրագրերից իրականացնել միայն 6-ը:
F-35-ի հիմնական համակարգերի պատրաստականությունը հաստատված է միայն 4%-ով, կործանիչի փորձարկումը նախատեսվում է ոչ շուտ, քան մինչև 2015թ.:
ԱՄՆ-ից բացի՝ F-35 Lightning կործանիչով նախատեսում էին զինվել Մեծ Բրիտանիան, Իտալիան, Նիդեռլանդները, Նորվեգիան, Դանիան, Թուրքիան, Ավստրալիան, Ճապոնիան և Կանադան: Մյուս կողմից մի շարք երկրներ (այդ թվում՝ Իտալիան և Մեծ Բրիտանիան) ինքնաթիռի գնի աճի հետ կապված՝ որոշել են նվազեցնել F-35 գնելու ծավալները, իսկ Կանադան ուսումնասիրում է հեռանկարային կործանիչներ գնելուց հրաժարվելու հավանականությունը: Ավստրալիան պայմանագրի կնքումը ձգձգում է: Նրա օրինակին կարող են հետևել Նորվեգիան և Դանիան:
