Երեկ Մոսկվայում տեղի է ունեցել Եվրասիական տնտեսական համագործակցության երկրների գագաթնաժողովը. նախատեսվում էր, որ այն կլուծարվի, և դրա փոխարեն կստեղծվի Եվրասիական տնտեսական միություն, որն իր գործառույթներով ավելի մոտ կլինի Եվրամիությանը:
Ինչպես գրում է «Կոմերսանտ» թերթը, Մոսկվայոմ կայացած գագաթնաժողվում մասնավորապես քննարկվել է այն հարցը, թե ինչպես պետք է ԵվրԱզԷՍ-ի շրջանակներում զարգանան ինտեգրացիոն գործընթացները: ՌԴ նախագահ Վլադիմիր Պուտինի կարծիքով՝ դրանք պետք է տեղի ունենան «ըստ կանխատեսվող սցենարի և, վերջին հաշվով, մինչև 2015 թ. մենք կստեղծենք Եվրասիական տնտեսական միությունը»:
Նա նշել է, որ ԵվրԱզԷՍ-ի լուծարման կամ վերակազմավորման շուրջ սկզբունքային որոշում ընդունվել է դեռ դեկտեմբերին: Ուստի այժմ ամբողջ հարցն այն է, թլե ինչ տեսք կունենա կամ ինչպես կգործի նոր կառույցը: Առայժմ քննարկվում է ընդհանուր կառավարող մարմինների՝ ԵվրԱզԷՍ-ի դատարանի և Եվրասիական տնտեսական հանձնաժողովի ստեղծման հարցը:
Հենց ոչ կառավարական կառույցների առկայությունն էլ տարաձայնությունների տեղիք է տվել: Մասնավորապես՝ գագաթնաժողովից առաջ Ուկրաինայի նախագահ Վիկտոր Յանուկովիչը հայտարարել էր, որ ԵվրԱզԷՍ-ին լիարժեք անդամակացությունն իր երկրին որոշ չափով կզրկի ինքնիշխաությունից, ինչն արգելված է սահմանադրությամբ: Նույն պատճառով չեն կարողանում համաձայնության գալ Մոսկվան և Մինսկը: Վերջինս նախընտրում է նոր միությանը տալ «Միասնական տնտեսաակնա տարածություն» անվանումը և պնդում է, որպեսզի հնարավոր լինի միջպետական համաձայնագրերը ազգային մակարդակով արգելափակել:
Մոսկվան իր հերթին կարծում է, որ բոլոր որոշումները պետք է ընդունվեն Բարձրագույն եվրասիական տնտեսական խորհրդի կողմից, որի մեջ պետք է մտնեն միության անդամ երկրների նախագահները:
Արդյունքում ԵվրԱզԷՍ-ի վերակազմավորումը չի հաջողվել,և Եվրասիական միության կազմավորման նոր պայմանագիրը նախատեսվում է ստորագրել միայն 2015 թ.:
Եվրասիական տնտեսական միությունը ստեղծվել է 2001 թ.՝ դրա կազմի մեջ մտնող երկրների միջև ընդհանուր արտաքին մաքսային սահման հաստատելու համար: Դրա կազմի մեջ են մտնում Հայաստանը, Ռուսաստանը, Բելառուսը, Ղազախստանը, Ղրղըզստանը, Տաջիկստանը, Մոլդովան, Ուկրաինան:
Եվրասիական միություն ստեղծելու առաջարկությունն արվել է 2011 թ. աշնանը Ռուսաստանի վարչապետ Վլադիրմիր Պուտինի կողմից: Նախատեսվում էր, որ այն կստեղծվի ունիվերսալ ինտեգրացիայի սկզբունքներով՝ որպես Մեծ Եվրոպայի անբաժան մաս և կմիավորվի ազատության, ժողովրդավարության և շուկայական օրենքների միասնական արժեքներով:
