Վայոմինգ նահանգում գտնվող Բուֆորդ քաղաքը, որտեղ բնակվում է ընդամենը մեկ մարդ, աճուրդի է հանվել: Այդ մասին հայտնում է Wyoming News-ը:
Բուֆորդի միակ բնակիչն ու ավանի ինքնահռչակ քաղաքապետ Դոն Սեմոնսը որոշել է փոխել բնակության վայրն ու իր տնտեսությունը աճուրդի հանել: Այն նախատեսված է 2012 թ. ապրիլի 5-ին: Նախնական արժեքը 100 հազար ամերիկյան դոլար է:
Սեմոնսը Բուֆորդ քաղաքում անցկացրած տարիները անվանել է «հրաշալի ժամանակահատված» իր ու իր ընտանիքի համար, սակայն նկատել է, որ իր բոլոր հարազատները տեղափոխվել են բնակության այլ վայրեր, իսկ ինքը պետք է թոշակի անցնի:
Քաղաքը հիմնադրվել է 19-րդ դարավերջին: Մի ժամանակ այնտեղ բնակվում էր շուրջ 2000 մարդ, որոնք հետագայում իրենց բնակության վայրը փոխեցին:
1980 թ. քաղաքում հաստատված Սեմոնսի կառավարման տակ է գտնվում լիցքավորման կայանն ու առաջին անհրաժեշտության ապրանքների խանութը: Քաղաքում կա նաև փոստ: Բուֆորդի հավանական գնորդը կստանա նաև 10 ակր հողատարածք, ավտոկայանատեղի ու 5 շինություն, այդ թվում` բնակելի առանձնատուն իր 3 ննջարանով և 1905 թ. կառուցված դպրոցի շենքը:
