Թուրքական Milliyet թերթը, վկայակոչելով ամերիկյան McClatchy լրատվական կայքը, հայտնում է, որ Սիրիայի նախագահ Բաշար Ալ-Ասադի զորքերն ականապատել են թուրք-սիրիական սահմանը: Սահմանից 20 մետր հեռավորության վրա հայտնաբերվել են ռուսական ծագում ունեցող PMN-2 տիպի հակահետևակային ականներ:
Ընդհանուր առմամբ, թուրքական սահմանի մոտ ընկած Ջիսր Ալ-Շուղուր քաղաքի մոտ ականապատվել է 1.5 կիլոմետր երկարությամբ տարածք: Նշվում է, որ դա արվել է տվյալ շրջանում բնակվող սիրիացիների փախուստը դեպի Թուրքիա կանխելու նպատակով:
Հիշեցնենք, որ Թուրքիան սառը պատերազմի տարիներին
թուրք-սիրիական 877 կիլոմետրանոց սահմանի 510 կիլոմետրանոց հատվածում տեղադրել է 615,149 ական: