Ադրբեջանական Trend լրատվական գործակալության փոխանցմամբ` Ադրբեջանի արտգործնախարար Էլմար Մամեդյարովը մեկնաբանել է Թուրքիայի, Իրանի ու Ադրբեջանի արտգործնախարարների առաջիկա եռակողմ հանդիպումը, որը տեղի է ունենալու մարտի 7-ին Նախիջևանում.
«Թուրքիայի, Իրանի ու Ադրբեջանի արտգործնախարարների եռակողմ հանդիպման ձևաչափը կարևոր է տարածաշրջանային հարցերի քննարկման, տարածաշրջանային համագործակցության քննարկման տեսանկյունից:
Մենք պայմանավորվել ենք նմանատիպ հանդիպումներն անցկացնել տարեկան երկու անգամ: Նախիջևանյան հանդիպումից հետո հաջորդ հանդիպումը տեղի կունենա Թուրքիայում»:
Հիշեցնենք, որ Թուրքիայի, Իրանի և Ադրբեջանի արտգործնախարարների վերջին եռակողմ հանդիպումը տեղի է ունեցել 2011 թվականի ապրիլի 16-ին իրանական Ուրմիա քաղաքում, ուր կողմերը պայմանավորվեցին հաջորդ անգամ հանդիպել նույն թվականի հոկտեմբերին Նախիջևանում։
