Հինգշաբթի՝ մարտի 1-ին, 52-ամյա տղամարդը, որի անունը դեռ չի հայտարարվում, ներխուժել է Հունաստանի Կոմոտինի քաղաքում գտնվող աղբահանման կոնտեյներների արտադրության գործարան, որտեղից մի քանի ամիս առաջ էր հեռացվել, և ատրճանակով հարձակվել աշխատակիցների վրա՝ վիրավորելով երկու հոգու, այդ թվում՝ նաև գործարանի սեփականատիրոջը, որից հետո երկու աշխատակցի պատանդ վերցրել,- հաղորդում է Reuters:
Գործազուրկը համաձայնել է ազատ արձակել պատանդներին և հանձնվել դեպքի վայր ժամանած ոստիկանությանը գրեթե 12 ժամ հետո:
Վիրավորները հոսպիտալացվել են. այժմ նրանց կյանքին վտանգ չի սպառնում:
Hellenic Environmental Systems Industry (Helesi) ընկերության ներկայացուցիչները, որի տարածքում տեղի էր ունեցել միջադեպը, հաղորդել են, որ այդ տղամարդը հեռացվել էր աշխատանքից 2011 թ. օգոստոսին «անպարկեշտ վարքի» համար,- տեղեկացնում է Agence France-Presse.
Ըստ ոստիկանության ներկայացուցիչների՝ Helesi ընկերությունը որոշ ժամանակ առաջ ստիպված է եղել կրճատել գրեթե 300 աշխատակցի:
