Վիրտուալ հանդերձարանների ստեղծումից հետո այլևս կարիք չի լինի վերադարձնել շատ մեծ կամ փոքր զգեստները:
Daily Mail-ը գրում է, որ Tesco-ն օգտագործում է մի տեխնոլոգիա, որը թույլ է տալիս մարդկանց ստեղծել իրենց 3D թվային տարբերակը այն նկարից, որը հարկավոր է վերբեռնել F&F վիրտուալ հանդերձարանի էջ: Այնուհետև հնարավոր կլինի փորձել ցանկալի զգեստը և տեսնել, թե արդյո՞ք այն համապատասխան է մարմնին, թե՝ ոչ:
Գնորդները վաղվանից սկսած այս ծառայությունից օգտվելու հնարավորություն կունենան Clothing at Tesco-ի Facebook սոցիալական ցանցի էջում: Ընկերությունը հույս ունի, որ այս կերպ գնորդներն առավել հեշտ կկատարեն գնումները և ստիպված չեն լինի սպասել խանութներում։ Ամեն ինչ հնարավոր կլինի որոշել հենց համացանցում: