Ֆրանսիայի նախագահ Նիկոլա Սարկոզին լրագրողների հետ զրույցում հաստատել է, որ Սիրիայում վիրավորված՝ Figaro թերթի թղթակից Էդիտ Բուվիեն տեղափոխվել է Լիբանան:
«Ես շատ ուրախ եմ նրա համար, քանի որ նա շատ կոտրվածքներ ուներ: Ես ուրախ եմ, որ այս մղձավանջն ավարտվեց: Դրանք այդքան էլ հեշտ բանակցություններ չէին: Ինձ տեղեկացրին, որ ամեն ինչ լուծվել է, բայց՝ դժվարությամբ, չնայած Հոմսը Լիբանանից 20-30 կիլոմետր հեռավորության վրա է գտնվում»,- ասել է Սարկոզին:
Նա նշել է, որ ինքն անձամբ կապ չի հաստատել լրագրողուհու հետ՝ հավելելով, որ «սիրիական ղեկավարությունը պատասխանատվություն է կրում մի քանի լրագրողների սպանության համար»:
Անցյալ շաբաթ Հոմսում զոհվել էին ԱՄՆ–ի և Ֆրանսիայի երկու լրագրողներ: Սիրիական իշխանությունները հայտարարել էին, որ տեղյակ չէին երկրի տարածքում ամերիկացի և ֆրանսիացի լրագրողների գտնվելու մասին: Նաև հաղորդվել էր, որ Հոմսի ռմբակոծության ժամանակ տուժել է Figaro թերթի թղթակցուհի Էդիտ Բուվիեն և բրիտանացի լրագրող Պոլ Կոնռոյը:
