Samsung ընկերության ղեկավար Լի Քուն Հիի դեմ դատական հայց է ներկայացրել նրա սեփական քույրը՝ Լի Սուկ Հին, որի կարծիքով՝ եղբայրն անօրինականորեն յուրացրել է 170 մլն դոլարի բաժնետոմսեր:
Ինչպես հաղորդում է BBC-ն՝ Լի Սուկ Հիի կարծիքով՝ այդ բաժնետոմսերը իրեն ժառանգություն էր թողել իրենց հայրը: Դատավարությունը տեղի կունենա Սեուլի շրջանային դատարանում:
Ավելի վաղ Լի Քուն-Հիի դեմ դատական հայց էր ներկայացրել նրա ավագ եղբայրը, որը նույպես պահանջում էր ժառանգության իր բաժինը՝ 623 մլն դոլար:
Samsung Electronics-ի հիմնադիրը՝ Լի Քուն-Հիի հայրը, մահացել է 1987 թ.: Նրա 7 որդիներից գլխավոր ժառանգորդը դարձել է Samsung Electronics-ի ներկա ղեկավար Լի Քուն Հին:
