Սան-Ֆրանցիսկոյում տեղակայված գլոբալ ժառանգության հիմնադրամը պատրաստել է զեկույց, որի համաձայն` Անիի ավերակները հայտնվել են վերջնական ոչնչացման եզրին, եւ դա վատ կառավարման եւ արհամարհանքի հետեւանք է: Այս մասին հաղորդում է թուրքական Toda’s Zaman թերթը: Թուրքական Կարս նահանգում գտնվող, ավերակների վեևածված Անի քաղաքը Հայկական թագավորության երբեմնի մայրաքաղաքն է:
Զեկույցում նշվում է, որ առանձնացվում են մշակութային ժառանգության գրեթե 200 օբյեկտներ` 12 վայրերում, որոնցից երեքը գտնվում են Մերձավոր Արեւելքում, Նինվեն` Իրաքում, Հիշամի պալատը` Պաղեստինում եւ Անին` Թուրքիայում: Անիի ավերակների վերջնական ոչնչացման պատճառ են նաեւ բազմաթիվ խնջույքները, որ կատարվում են ավերակների մոտ, ինչպես նաեւ մեծ թվով տնանկները, որոնք բնակվում են այդ տարածքում:
Ավերակների խնդիրը կրկին ուշադրության կենտրոնում հայտնվեցին այն ժամանակ, երբ Անիի մայր տաճարի տարածքում թուրք ազգայնականները աղոթք անցկացրին: Եվ դա` ընդամենն այն բանից մի քանի օր անց, երբ Աղթամար կղզում խաչ տեղադրվեց հայկական եկեղեցու գմբեթին:
Հոդվածն ամբողջությամբ կարող եք կարդալ www.todayszaman.com կայքում:
