Զարուհի Փոստանջյանի` «Ժառանգության»-համամասնական ցուցակում լինել-չլինելու վերաբերյալ «Հրապարակ»-ը զրուցել է կուսակցության նախագահ Րաֆֆի Հովհաննիսյանի հետ:
Վերջինս հայտնել Է, թե խոսակցությունները կապ չունեն իրականության հետ.
«Եվ առավել ևս կապ չեն կարող ունենալ, քանի որ ցուցակը դեռևս քննարկված չէ»: «Իսկ որքանո՞վ է հավանական, որ Փոստանջյանը դուրս կմնա ցուցակի անցողիկ տեղերից» լրագրողի հարցապնդմանը «ժառանգության» ղեկավարը պատասխանել է.
«Ես արդեն պատասխանեցի, որ ցուցակները չեն քննարկվել, իսկ խոսակցությունները, որի պատգամաբերը Դուք եք այսօր, չեն համապատասխանում իրականությանը, այն առումով, որ մենք մեծ հպարտություն ենք տածում Զարուհու և մնացած պատգամավորների նկատմամբ: Առայժմ ոչ միայն ցուցակ չի քննարկվել, այլ առավել ևս ցուցակից որևէ մեկին հանելու հարցը չի քննարկվել, և վստահ եմ, որ Զարուհի Փոստանջյանն իր պատգամավորական առաքելությունը կշարունակի առաջիկա խորհրդարանում»: