Կանացի ներքնազգեստ արտադրող Etam ընկերության 3 ֆրանսուհի մանեկենուհիներ մասնակցել են անօրինական գովազդային ակցիայի, որը կարող է ընկերությանը մեծ վնաս պատճառել: Ինչպես հաղորդում է բրիտանական Mirror տապլոիդը, գովազդային արշավը տեղի է ունեցել դ’Օրսեի թանգարանի պատկերասրահում, որտեղ աղջիկները հիացած հանդիսատեսին ցուցադրել են լողազգեստի նոր մոդելներ:
Տեսախցիկները ֆիքսել են երեք մանեկենուհիների, որոնք թանգարան են մտնում վերարկուներով և բարձրակրունկ կոշիկներով, իսկ հետո մերկանում՝ մնալով միայն ներքնազգեստով: Տեսանյութն այնուհետև տեղադրվել է ընկերության վեբ կայքում:
Իմպրեսիոնիստների լավագույն ստեղծագործությունները ներկայացնող Դ’Օրսեի թանգարանի ղեկավարությունը պատրաստվում է Etam ընկերությանը ներկայացնել բազմամիլիոնանոց դատական հայց՝ շենքը նկարահանումների համար օգտագործելու համար:
Նրանք պմնդում են, որ իրենց ոչ ոք չի զգուշացրել այդ ակցիայի մասին:
Թանգարանի պաշտոնական հայտարարության մեջ նշվում է, որ իրենց իրավունքներն այդպիսով լրջորեն խախտվել են, և պահանջում են անմիջապես ջնջել սկանդալային տեսանյութը:
