Ինչպես «Առաջին լրատվական»-ը տեղեկացրել է, Վենեսուելայի նախագահ Ուգո Չավեսը ուրբաթ օրը պաշտպանության նոր նախարար է նշանակել գեներալ Էնրի Ռանգել Սիլվային:
РИА Новости-ն, վկայակոչելով Venezolana de Television հեռուստաալիքը, հայտնում է, որ բացի այդ նշանակումը, Չավեսը Վենեսուելայի ռազմաօդային ուժերի ղեկավար է նշանակել Պերես Էսկալոնին:
Պաշտպանության նոր նախարարը ԱՄՆ-ում կասկածվում է Կոլումբիայի հեղափոխական զինված ուժերի զինյալներին օգնություն ցուցաբերելու մեջ: Նրան նման մեղադրանքներ են ներկայացվել 2008 թվականին, սակայն Ռանգելը հերքում է դրանք:
Վենեսուելան Կոլումբիայի հետ ունի երկար ձգվող սահման, որի որոշ հատվածներ նույնիսկ չեն հսկվում: Դա կոլումբիացի զինյալներին հնարավորություն է տալիս աննկատ հատել սահմանը և տեղափոխել կոկաին, որն այնուհետև հիմնականում իրացվում է ԱՄՆ-ում:
Չավեսի խոսքերով, պաշտպանության նոր նախարարը և ռազմաօդային ուժերի նոր ղեկավարը լիովին համապատասխանում են իրենց պաշտոնին և իրենց լավ են դրսևորել: «Նրանք ժողովրդի զինվորն են, հայրենիքի զինվորը, հանրապետության զինվորը»,- ընդգծել է Չավեսը:
