Ադրբեջանական 1news.az-ի փոխանցմամբ՝ էներգետիկ հարցերով եվրակոմիսար Գյունթեր Օթթինգերը Բրյուսելում հայտարարել է, որ ԵՄ-ը ողջունելու է «Շահ Դենիզ» գազային կոնսորցիումի կողմից դեպի Եվրոպա ադրբեջանական գազի արտահանման երթուղիների ընտրության շուրջ ցանկացած որոշում.
«Հարավային միջանցքի» քաղաքականության հաջողությունը վրա կհասնի այն ժամանակ, երբ «Շահ Դենիզ» կոնսորցիումը վերջնական ընտրություն կկատարի Եվրոպային ադրբեջանական գազի արտահանման երթուղու շուրջ։ Ես ցանկանում եմ ընդգծել, որ անկախ երթուղու ընտրությունից՝ մենք աջակցելու ենք կոնսորցիումի որոշմանը։ Գազի մատակարարումների դիվերսֆիկացումն առանցքային դեր է խաղում ԵՄ-ի երկրների էներգետիկ անվտանգությանն աջակցման տեսանկյունից»։
Հիշեցնենք, որ «Շահ Դենիզ» գազային կոնսորցիումն այդ ընտրությունը կատարելու է մինչև 2012 թվականի առաջին եռամսյակի ավարտը։