Грузия Online-ի փոխանցմամբ՝ վաղը Վրաստան է ժամանելու ամերիկացի միլիարդատեր, աշխարհի ամենահարուստ անձանցից մեկը հանդիսացող Դոնալդ Թրամփը։ Այս մասին հայտարարել է նրա պաշտոնական ներկայացուցիչ Մայքլ Քոհենը։
Վերջինիս խոսքերով՝ Թրամփը վաղը մասնակցելու է Բաթումում «Թրամփ Թաուերի» (երկնաքեր) նախագծի շնորհանդեսին։ Քոհենն ընդգծել է, որ այդ երկնաքերի կառուցումն ավարտվելու է 2013 թվականին։
Նշվում է, որ բացի հյուրանոցային համարներից ու բնակարաններից, այն ունենալու է կոմերցիոն հրապարակ և խաղատուն։
Հիշեցնենք, որ Թրամփը պլանավորել է ևս մեկ երկնաքեր կառուցել Թբիլիսիում։ Այդ մասին համաձայնագիրը կնքվել է այս տարվա մարտին։ «Թրամփ Թաուեր»-ների նախագիծը գնահատվում է 250 միլիոն դոլար։
