Բելգիական Լյեժ քաղաքում այսօր տեղի ունեցած դեպքերի հետևանքով վիրավորների թիվը հասել է 123-ի, ևս չորս մարդ, այդ թվում նաև ահաբեկիչը, զոհվել են: Այս մասին հաղորդում է France-Press գործակալությունը` հղում անելով տեղի իշխանություններին:
Մինչ այդ հաղորդվում էր 75 վիրավորների մասին: Մարդկանց մեծ մասը վիրավորվել է ապակու բեկորներից:
Զոհերի թիվը կարող է աճել։ Ըստ բուժհիմնարկների աղբյուրների՝ 20-ամյա տղամարդը և երեխան վախճանվել են հիվանդանոցում, սակայն իշխանությունները չեն հաստատել այս տեղեկությունները:
Վիրավորների մեծ մասը 19-20 տարեկան մարդիկ են: Այս մասին հայտնել է Լյեժի բուգոմիստր Վիլլի Դեմեյերը:
