Վայրի բնության պաշտպանության համաշխարհային հիմնադրամը (WWF) Շվեյցարիային մեղադրել է, որ այդ երկրի միջին վիճակագրական բնակիչը 2 անգամ ավելի շատ էներգիա, սննդամթերք և այլ ռեսուրսներ է օգտագործում, քան մյուս երկրների բնակիչները:
Ինչպես հաղորդում է Euromag ամսագիրը, համեմատած աղքատ երկրների, օրինակ՝ Բանգլադեշի բնակիչների հետ, շվեյցարացիները 8 անգամ ավելի շատ էներգիա,սննդամթերք և այլ ռեսուրսներ են օգտագործում:
Հիմնադրամի ներկայացուցիչները նշում են, որ եթե մեզնից յուրաքանչյուրն ապրի շվեյցարացու նման, Երկիր մոլորակի բնակչությանը անհրաժեշտ կլինի ևս 2.8 մոլորակ:
WWF-ն նշել է, որ Շվեյցարիան պետք է մեծապես կրճատի ռեսուրսների օգտագործումը և նվազեցնի իր ազդեցությունը շրջակա միջավայրի վրա:
Ավելի վաղ Հարվարդի համալսարանի հայտնի սոցիոկենսաբան Էդվարդ Ուիլսոնը հայտարարել էր, որ կենսոլորտի պաշարները, հատկապես հացը և ջուրը, սահմանափակ են: Ըստ նրա` մեր մոլորակը կարող է պահել առավելագույնը 10 միլիարդ մարդու:
