Բեռլինում հայտնաբերվել է 27-ամյա գործազուրկ մի մարդ, որը մեղադրվում է ավելի քան 100 թանկարժեք մեքենաներ հրդեհելու մեջ: Ինչպես նախօրեին հայտնել են տեղի ոստիկանները, նրան այդ քայլին է մղել նախանձը։
Երեք ամսում նա հրդեհել է 67 թանկարժեք մեքենա, մասնավորապես՝ Audi, BMW և Mercedes մակնիշների: Հրդեհելու ընթացքում բռնկվել են վերոնշյալ մեքենաների հարևանությամբ կայանած ևս 35 ավտոմեքենաներ:
Չարագործն ընդունել է իր մեղքը: «Նա գործել է ոչ թե քաղաքական դրդապատճառներով, այլ, ամենայն հավանականությամբ, նախանձից դրդված»,- հայտարարել է ոստիկանության պետը:
Նրա խոսքով`ձերբակալվածը իր արարքը հետևյալ կերպ է բացատրել. «Ես պարտքերի մեջ եմ, իմ կյանքը նողկալի է, իսկ մյուսները ապրում են բարեկեցիկ կյանքով, և նրանք դրան արժանի են»:
Ինչպես հաղորդում է Reuters գործակալությունը, Գերմանիայի իշխանությունները ենթադրում էին, թե մեքենաները հրդեհելու մեջ մեղավոր են արմատական հայացքների տեր անձինք:
