Լոնդոնի թագավորական դատարանը երեկ սկսել է ՌԴ դաշնային հատուկ ծառայությունների նախկին աշխատակից Ալեքսանդր Լիտվինենկոյի մահվան գործով դատավարության նախնական լսումները: Հենց առաջին նիստի ժամանակ մահացածի այրին կարողացել է հասնել այն բանին, որ անցկացվի լիարժեք հետաքննություն, որի ընթացքում կպարզվի՝ արդյո՞ք իր ամուսինը սպանվել է ռուսական գործակալների կողմից:
Անգլիան գլխավոր կասկածյալ է համարում ռուս Անդրեյ Լուգովոյին և պահանջում հանձնել նրան: Ռուսական կողմը մերժում է այդ պահանջը: Նիստի ժամանակ վկայություն պետք է տան Բրիտանիայի հատուկ ծառայությունների ներկայացուցիչները:
Sunday Mail ամսագրին տված հարցազրույցում Լիտվինենկոյի կինը` Մարինա Լիտվինենոկոն, առաջին անգամ խոստովանել է, որ իր ամուսինն աշխատել է բրիտանական MI5 անվտանգության ծառայության և MI6 արտաքին հետախուզության համար: Նրան օգնության համար վճարել են տասնյակ հազարավոր ֆունտ ստերլինգ:
Դատական լսումները տեղի են ունենում փակ ռեժիմով: Լրագրողներին թույլատրվել է ներկա գտնվել առանց ձայնագրող սարքերի:
Լայնածավալ հետքաննությունը թույլ կտա ընդլայնել հետաքննության սահմանները: Այսինքն՝ պատասխան կտրվի ոչ միայն այն հարցին, թե որտեղ, երբ և ով է սպանել Լիտվինենկոյին, այլև թե ինչու է դա տեղի ունեցել, և ով է կանգնած դրա ետևում:
Թագավորական դատարանը իրավասու չէ դատավճիռ կայացնել, սակայն իրավունք ունի նշել, թե ով է մեղավորը:
