Մետե Ֆրեդերիկսենը կշարունակի գլխավորել Դանիայի կառավարությունը։
Դանիայի Սոցիալ-դեմոկրատական կուսակցության առաջնորդ Ֆրեդերիկսենը հայտարարել է, որ համաձայնել է ձևավորել ձախ կենտրոնամետ կոալիցիոն կառավարություն՝ պահպանելով իր իշխանությունը ԱՄՆ նախագահ Դոնալդ Թրամփի հետ Գրենլանդիայի ապագայի շուրջ ծագած հարաբերությունների ճգնաժամի ֆոնին։
Փոքրամասնության կաբինետ ձևավորելու մասին այս գործարքը Ֆրեդերիկսենին հնարավորություն է տալիս երրորդ անգամ անընդմեջ ստանձնել վարչապետի պաշտոնը՝ վերջ դնելով ամիսներ տևած անորոշությանը մարտյան ընտրություններից հետո։
«Ես այցելել եմ Նորին Մեծություն Թագավորին և հայտարարել, որ երկարատև բանակցություններից հետո հնարավոր է կառավարություն ձևավորել»,- ասել է Ֆրեդերիկսենը։
Նրա կենտրոնամետ կոալիցիան կորցրել էր մեծամասնությունը մարտի 24-ի քվեարկության ժամանակ, քանի որ դանիացիներն իրենց դժգոհությունն էին արտահայտել կյանքի թանկացման ճգնաժամի դեմ։ Չնայած դրան՝ Սոցիալ-դեմոկրատական կուսակցությունը մնացել էր խորհրդարանի ամենամեծ խմբակցությունը՝ 179 տեղից ստանալով 38-ը (նախկին 50-ի փոխարեն)։
Ավելի քան երկու ամիս տևած սակարկություններից հետո, երբ Սոցիալ-դեմոկրատներն ու աջ կենտրոնամետ «Լիբերալները» (Վենստրե) յուրաքանչյուրն իր հերթին փորձում էին գլխավորել նոր կառավարությունը, հենց 48-ամյա Ֆրեդերիկսենին հաջողվեց ստանալ խորհրդարանական կուսակցությունների անհրաժեշտ աջակցությունը։
«Սա կառավարական ծրագիր է Դանիայի ժողովրդի, գալիք սերունդների, ինչպես նաև կենդանիների համար»,- ասել է նա։
