Եթե երբևէ հավելվածով սնունդ եք պատվիրել կամ մեքենա ամրագրել, ապա դուք նույնպես այսօրվա պլատֆորմային տնտեսության մի մասն եք։ Այդպես են անվանում այն համակարգը, որտեղ աշխատողներին կառավարում են ալգորիթմները։ Սակայն այստեղ բազմաթիվ էթիկական հարցեր կան, հատկապես՝ այնպիսի ոլորտներում, ինչպիսին առողջապահությունն է ։ Որովհետև ոսկե կանոնը մեկն է՝ հաղթում է ամենաէժան առաջարկը։
Աշխատողներին միմյանց մրցակից դարձնելով անկայուն ազատ ռեժիմով աշխատանքի պայմաններում՝ առաջանում են ամենատարբեր խնդիրներ։ Իսկ երբ ինչ-որ բան սխալ է ընթանում՝ ո՞ւմ եք դիմում։
Ի՞նչ կասեք ձեր մասին Երբևէ զբաղվել եք նման աշխատանքով։ Դուք մենակ չեք։ Աշխարհում միլիոնավոր մարդիկ են դրանով զբաղվում՝ առաքումներ կատարելով, թարգմանելով կամ առցանց արհեստական բանականություն մարզելով։ Առաջարկը գրավիչ է հնչում․ աշխատիր երբ ուզում ես, որքան ուզում ես, երբեմն նույնիսկ առանց մասնագիտական պատրաստվածության։ Բայց այդ ազատությունների գինը հաճախ ծանր աշխատանքային պայմաններն են, ինչպես օրինակ Ինդոնեզիայում։
