Ամերիկյան ուժերի կողմից իրանական նավերի նկատմամբ սպառնալիքները և ԱՄՆ-ի «անտրամաբանական պահանջները» վկայում են տարածաշրջանում իրադրության կարգավորման նկատմամբ Միացյալ Նահանգների «անլուրջ վերաբերմունքի» մասին։ Ինչպես հաղորդում է Իրանի պետական հեռուստաընկերությունը, այս մասին Պակիստանի արտգործնախարար Իսհաք Դարի հետ հեռախոսազրույցի ժամանակ հայտարարել է Իրանի արտգործնախարար Աբբաս Արաղչին։
«Իրանական նավահանգիստների և նավերի նկատմամբ սպառնալիքները, ինչպես նաև Վաշինգտոնի կողմից անտրամաբանական պահանջները ցույց են տալիս ԱՄՆ-ի կողմից տարածաշրջանում իրավիճակի կարգավորման անլուրջ վերաբերմունքը», – հայտարարել է Իրանի ԱԳ նախարարը։
Նա նշել է, թե «ԱՄՆ-ի հակասական դիրքորոշումը և հրադադարի խախտումները վկայում են Ամերիկայի չար մտադրությունների մասին»։
Իրանի արտգործնախարարն ընդգծել է, որ իր երկիրը «կօգտագործի բոլոր հասանելի միջոցները՝ իր շահերը և ազգային անվտանգությունը պաշտպանելու համար»։ Նա նաև վերահաստատել է «տարածաշրջանում խաղաղությունն ու անվտանգությունը պահպանելու համար խորհրդակցությունների շարունակականությունը»։
