Չինաստանում իրականացվել է աշխարհում եզակի վիրահատություն, երբ կնոջ պոկված ականջը ժամանակավորապես փոխպատվաստվել է նրա ոտքին, իսկ ավելի ուշ հաջողությամբ վերադարձվել է իր տեղը։
Դեպքը տեղի է ունեցել ապրիլին, երբ կինը ծանր արդյունաբերական վթարի է ենթարկվել աշխատավայրում։ Հզոր մեքենայից ստացած վնասվածքները կյանքի համար վտանգավոր են եղել. ականջը լիովին կտրվել է, իսկ գլխամաշկի, պարանոցի և դեմքի մաշկը պատռվել և բաժանվել էին բազմաթիվ կտորների։
Երբ կինը տեղափոխվել է Շանդոնգի նահանգային հիվանդանոցի միկրոխիրուրգիայի բաժանմունք, բժիշկները անմիջապես փորձել են վերականգնել գլխամաշկը ստանդարտ մեթոդներով։ Սակայն գլխամաշկի հյուսվածքների և անոթային ցանցի ծանր վնասվածքի պատճառով սովորական մոտեցումը չի արդարացրել։
Բժիշկները որոշել են նորարարական լուծում կիրառել՝ ականջը ժամանակավորապես փոխպատվաստել կնոջ ոտքին։ Այդպես ականջի հյուսվածքը կենդանի է մնացել մի քանի ամիս, մինչև հնարավոր է դարձել այն հաջողությամբ վերադարձնել իր տեղը։
Վիրահատությունը ցույց է տվել, որ ծայրահեղ դեպքերում նորարարական մեթոդները կարող են փրկել մարմինի մասերը և վերականգնել պացիենտների արտաքին տեսքը։
