«Իրան» օրաթերթը, մեջբերելով Իրանի ներքին գործերի նախարար Մոսթաֆա Մուհամադ Նաջարի հայտարարությունը, գրում է, որ գիտնականների ահաբեկչությունից հետո ներքին գործերի նախարարությունում նոր ծրագիր է մշակվել գիտնականների անվտանգությունն ապահովելու ուղղությամբ։ Մուհամադ Նաջարը շարունակելով ավելացնում է. «Մեր ժողովուրդը գիտակցում է, որ Արեւմուտքն ու միջազգային սիոնիզմը խիստ վրդովված են Իրանի արձանագրած զարգացումներից, այդ իսկ պատճառով է, որ նրանց գաղտնի ծառայությունները փորձում են ահաբեկել եւ ոչնչացնել մեր գիտնականներին: Բայց գերտերությունները պիտի գիտակցեն, որ երկրի ժողովուրդը նմանատիպ ահաբեկչությունների հետեւանքով ավելի է կոփվելու եւ շարունակելու է զարգացման նրա ուղին»։
