Տեղի է ունեցել ԱՄՆ պետքարտուղար Մարկո Ռուբիոյի և ՌԴ արտգործնախարար Սերգեյ Լավրովի հեռախոսազրույցը։ Այս մասին հայտնել է Ռուսաստանի արտաքին գործերի նախարարությունը։
ՌԴ ԱԳՆ ղեկավարը ԱՄՆ պետքարտուղարին տեղեկացրել է Մոսկվայի և Կիևի միջև բանակցությունների նոր փուլի նախապատրաստական աշխատանքների մասին։
Ռուբիոն, իր հերթին, ընդգծել է ԱՄՆ նախագահ Դոնալդ Թրամփի կենտրոնացումն ուկրաինական հակամարտության արագ լուծման վրա և հայտնել կողմերի դիրքորոշումների մերձեցմանը նպաստելու Վաշինգտոնի պատրաստակամությունը։
Կողմերը անդրադարձել են երկկողմ օրակարգի արդիական հարցերին և հաստատել են իրենց փոխադարձ հանձնառությունը՝ շարունակելու կառուցողական և փոխադարձ հարգանքի վրա հիմնված երկխոսությունը Ռուսաստանի և Միացյալ Նահանգների արտաքին քաղաքականության գերատեսչությունների միջև։
