Երևանի քաղաքապետարանի մամուլի քարտուղար Հայկ Կոստանյանը տեղեկացրել է.
«Հարգելի՛ գործընկերներ, տեղեկացնում եմ, որ ձերբակալվել են Երևանի քաղաքապետարանի աշխատակիցներ։ Քաղաքապետարանը համագործակցում է իրավապահ մարմինների հետ՝ օրենքով սահմանված ընթացակարգերին աջակցելու նպատակով։
Լրացուցիչ տեղեկությունների համար կարող եք դիմել ՀՀ հակակոռուպցիոն կոմիտե»։
Radar Armenia-ի հետ զրույցում հակակոռուպցիոն կոմիտեից պարզաբանեցին, որ քննչական գործողություններ են կատարվում հակակոռուպցիոն կոմիտեում քննվող քրեական գործի շրջանակներում։
«Կան ձերբակալվածներ՝ այդ թվում քաղաքապետարանից»
Նախաքննության շահերից ելնելով՝ այլ տվյալներ չհայտնեցին։
