Հայաստանի կինոյի հիմնադրամը ՀՀ ԿԳՄՍ նախարարության աջակցությամբ փետրվարի 13-19-ը կմասնակցի Բեռլինալեի շրջանակում գործող Եվրոպական կինոշուկային (EFM), որտեղ կներկայանա առանձին տաղավարով։
Այս մասին հայտնում են հիմնադրամից և շեշտում, որ այն նպատակ ունի ամրապնդելու հայկական կինոյի հեղինակությունն ու դերակատարությունը միջազգային կինոաշխարհում:
«Սիրով հրավիրում ենք բոլոր հայ կինոգործիչներին միանալ մեզ EFM-ի հայկական տաղավարում։ Սա բացառիկ հնարավորություն է կազմակերպելու հանդիպումներ, աշխատանքային քննարկումներ միջազգային գործընկերների հետ և համատեղ ջանքերով նպաստելու հայկական կինոյի զարգացմանն ու ճանաչելիությանն աշխարհի ամենահեղինակավոր կինոշուկաներից մեկում։ Սպասում ենք ձեզ սիրով»,-ասվում է հաղորդագրության մեջ։
