Քաղցր գազավորված ըմպելիքների օգտագործումը ներկայումս 2-րդ տիպի շաքարախտի առաջացման հիմնական գործոններից մեկն է, ասում են գիտնականները:
Համաձայն նոր հետազոտության տվյալների՝ ամբողջ աշխարհում գրանցված սրտային հիվանդությունների և 2-րդ տիպի շաքարախտի նոր դեպքերը սերտորեն կապված են սոդայի և այլ քաղցրացված ըմպելիքների օգտագործման հետ:
Գիտնականները զգուշացնում են, որ քաղցր ըմպելիքներից կախվածությունը հանգեցնում է օրգանիզմում վտանգավոր խանգարումների։ Նման ըմպելիքները կոչվում են «հեղուկ շաքար». դրանցից արագ ածխաջրերը շատ արագ ներծծվում են՝ առաջացնելով արյան գլյուկոզայի մակարդակի կտրուկ թռիչք, իսկ ի պատասխան՝ ինսուլինի ինտենսիվ արտազատում։ Եթե գլյուկոզայի և ինսուլինի մակարդակի բարձրացումները պարբերաբար տեղի են ունենում, ինսուլինի դիմադրության ռիսկը (ինսուլինին չպատասխանելը) մեծանում է, ինչը հանգեցնում է ճարպի ակտիվ կուտակմանը: Այս ֆոնին առաջանում են նյութափոխանակության և սրտի հետ կապված խնդիրներ։
Բժիշկները խորհուրդ են տալիս չխմել քաղցր համով գազավորված ըմպելիք և այլ քաղցրացված ըմպելիքներ, հատկապես դատարկ ստամոքսին, ինչպես նաև ածխաջրածին պարունակող և յուղոտ մթերքների հետ միասին։
Սննդաբան Ալեքսեյ Կաբանովը հարցազրույցում խոսել է լյարդի համար գազավորված ըմպելիք խմելու վտանգի մասին։ Նա հայտարարել է, որ նման ըմպելիքների կանոնավոր օգտագործումը բերում է լյարդի ոչ ալկոհոլային ճարպային հիվանդության զարգացման։
